Ka Jaiñtia Youth Federation (JYF) Bataw Unit da dap ko dei sñiawkhia hadien wa pat u chrot bordiñ ha chnong Bataw, EJH ynne ka sngi tangwa embhah ym em iwon iwon i jia wa sñiawsih.
Ka seiñ da ong ko wa ini da jia i du nei kheiñstiñ ka chnat bordiñ wow kylliang noh ya uni u chrot wa da sih hapoh ka chnong neibhah wa ka seiñ dadep thoh ko cha u SDO ka MePDCL hajrong ini wow kylliang noh ya uni u chrot.
Ya kani ka ujor na ka seiñ da pdiang da u Asst. Executive Engineer Khliehriat Distribution Sub-Division ha ka 15-04-21.
Hajrong ini ka seiñ da maham ko wa lada jia iwon iwon i sñiawsih ya ki paidbah ka chnong, ka chnat MePDCL toh u chim ko yei bahkhlieh.
