Ka KSU Rambrai Circle hapoh i yahkhmat u Pyrshang Jyrwa wa u Pynbiangor Basawiamoit, Vice President ryngkat ki dkhot da mih ki chakhmat wow chna ya i dara ha pchem ka Rambrai Public Health Care (PHC) neibynta ki paidbah wa wan e tika COVID-19.
Ka seiñ da chim ko ya ini i rai hadien wa da yoo ko yei khynñia ka kamra e tika nei wan ki paidbah wow chim ya i dawai yada na ka khlam COVID-19.
Ha ini i chna da wan chimbynta da ki dkhot wa kiwa kitkaam na ki chnat ka seiñ kiwa haap hapoh ka KSU Rambrai Circle.
Heijooh i por da pynkynmoo biang ya ka sorkar wow pynku kyrdan noh ya ka Rambrai Public Health Care (PHC) cha ka Community Health Care (CHC) khnang wow ye chooh chooh ko u e chakri ya ki paidbah wei wow pynheh ya ka yung Building khnang wow kyllooid ki wakreh wa kiwa thiah kjut wa chah sumaar ha kani ka thaw.
