Nei kreh mylla ha ki paar mooyong chei man Doctor u khynroo na ka chnong Moolamylliang

Uwi u khynroo uwa na ka chnong Moolamylliang, uwa tip kam u Kampher Pala da yoh u wow man Doctor uwa jooh kreh hapoh ki paar mooyong nachwa uwa da ong wa emkaam du kawi ka pateiñ wow pynkylla yei rukom im ka manyung wei i dooh i duk ymtoh u khlang laad ko ya ki bru tangwa iwa khanglaad toh du i rukom pyrkhat donhi.

U Kampher toh uwa da pyndep yei puræ MBBS na Guwahati Medical College (GMC), wei da khana u wa da poi cha kani ka kyrdan hapyrdi i eh i khoo wa khor bha, neibhah nadooh wa dang khynnah da lai puræ wei lai kreh mylla lang u nadooh wow lai chongdai hadooh wow psiah cha ki krem khne mooyong.

U Dr. Kampher Pala toh toh u khon ka Krastis Pala napyrdi ki 5 ngut ki chi payu wei da khana u wa nadooh wa dang khian da lai mylla u manda kut skur yow yoh bai skur wei bai kot.

Kam u khynnah da lai skur ha chnong nadooh Class A hadooh Class III, neitæ nadooh Class IV hadooh Class VI ha Tluh Secondary School, ya ka Class VII da lai u ha Jowai heiwa ya ka Class VIII won ha Govt Boys’ Secondary School, Shillong wei neitæ da uiñ biang u cha Tluh Secondary School yow pyndep Matric wei neitæ da pyndep u ya ka Class XII na North Liberty HS School, Jowai.

Related posts

Chadooh cha pyrdi sarok poi i jhep ha Jowai

November 17, 2024

Da sdang ya ka JAC ha EJHD wow pynlai bait ya i khayi pateiñ

November 16, 2024

Da khana u wa heipor wa dang puræ Class XII da pynkhreh u leh ya ka National Eligibility Cum Entrance Test (NEET), da ka thong wa toh u ye u jop ya kani ka Exam du ha chisien donhi wei da yaleh u ha u snem 2019 wei da yoh u sdang wow lai puræ MBBS ha GMC deiwa kyrchaan poisa ka We Care Foundation.

U Dr. Kampher toh uwa dang 25 snem i rta.

Neiliang ka Montri ka chnat i chait i khiah, ka Dr. Mazel Ampareen Lyngdoh da e khublei ko ya oo deiwa ong nei yillu ki krem mooyong cha ka kyrdan i jop ha ka puræ puthi Doctor, i lai luti wow e mynsien ya kiwi.