Jowai: Ka khayi pateiñ hapyrdi ka ri India wa ka ri Bangladesh katkam ka yutip wa yoh hadooh kattæ da ong wa da sangeh lut ki ka khayi hapyrdi ki ar ri neidaw wa em i awri hapyrdi kiwa kreh ka chnat Custom wa ka chnat Border Guard of Bangladesh (BGB).
Ka yutip wa tikna wa yoh da ong wa ini i awri hapyrdi kini ki ar chnat ka ri da mih i hadien wa uwi na ki le ngut ki khynnah na jylla Meghalaya wa puræ MBBS ha Sylhet da rah u hadooh le klong i kiad wei manda kaap u chiliang u pood manda sylli (check) na ki yusong da chem wa da kit palat uni u khynnah ya ki mar katkam ka aiñ wa da booh da ka ri (Bangladesh).
Hadien ini neiliang u sahep ka Customs ka ri Bangladesh da maap u ya uni u khynnah wei heitæ wot i por won ki heh chipai ka BGB da wan ki wow boh yeini cha ka yung krehkaam ka Customs wa em ha Tamabil, India.
Ha kani ka yung krehkaam da mih ka kajia wa i awri hapyrdi kini ki ar chnat (Custom ka Bangladesh waka BGB) ha kani ka thaw heiwa da poi u pood wa chah pynmynsoo noh u sahep ka chnat Customs ka ri Bangladesh ha u chipai ka BGB.
Hadien ini i jia kiwa kreh ka chnat Customs (Bangladesh) da rai ki wow yakhih deiwa dam u kreh kat hadooh wow wan paan maap noh ki heh chipai ka BGB na uwa chah pynmynsoo.
Discussion about this post