Jowai : Ka yingkieñ moo kawa em ha Umiaknieh hajan ka kchaaid Krangsuri, Amlarem man ko ka thaw kawa yoosuk bha hapoh ka khloo ka Raij Buam.
Ha kani ka yingkieñ kawa da chna nadooh ki por u syiem ka hima Jaiñtia da em yei ahchrong heidur u syntu, u kule wa kiwi kiwi.
Ha kini ki kajak tayaw wa da dep, da em wa ujor wa ong wa da em kiwa niaam rong ha kini ki chrong wa em i dur u syntu wa u kule. Ynnin neiliang ki nongthoh khubor da hiar ki cha kani ka thaw heiwa da yoh u pynskhiat yeini.
Hadien wa takit bha yeini da yachem wa u Secretary ka Raij Buam Environmental Protection Association, u ma Donbok Buam uwa da khana wa yeini da leh da ka seiñ wei thmu leh yow pynyoo ya kiwa uiñke cheini yow yoo bha ki yeini i tahchrong ha u moo.
Hadien wa yaklam u ma Donbok da pyntip u wa daw tympleh noh ki yeini rong wei daw booh ki da ka signboard ka wow kdaw cha ini i ahchrong.
Discussion about this post