Ka KSU Sumer Unit ynne ka sngi da lai yachem ko ya u Executive Engineer ka PWD (Rds) NEC Division, Khliehriat u J. Tariang hapoh i yahkhmat u President ka KSU Sumer Unit u Daraplang Salahe, wa u General Secretary kani ka chnat krehkaam wei da synraan da ki heh ka KSU Khliehriat Circle wa kynthup ya u President u Streamly N. Suchen wa u Vice President u Satly S. Ryngkhlem.
Ha kani ka sngi neiliang ka seiñ da pynsñiaw ki yei eh i khoo wa chem ki paidbah ka thaaiñ hajrong i sih ware u sarok da ki phaw snem iwa da wanrah yei eh i khoo heipor wa kit ya kiwa kjut wa chitom.
Neiliang u J. Tariang da kular u wow chimkhia ya ini i kaam khnang wow suk i lai i wan ki paidbah ka thaaiñ Sumer hi waroh kawi.
Heijooh i por neiliang u President ka Unit da pynsñiaw u yei sñiawsih hajrong i klam ki montri ki sorkar wa jooh ong wa u sarok toh u budloom i yoh i la ha ka jylla tangwa ye i wow man du i kyntien wow pynbiej paidbah donhi.
