Neidaw wa duna kiwa Pass ya ka SSLC, sdang u Conrad da ka CM IMPACT

Kam chibynta ka Teachers’ Day, neiliang u Montri Rangbah ka jylla, u Conrad K Sangma da sdang u ya ka CM IMPACT yow pait yeiwa duna kiwa Pass ya ka SSLC Exam da ka thong wow pynkylla noh yeini deiwa pynboon noh ya kiwa Pass.

Hapoh kani, daw e kyrchaan ym du ya ki khynnah skur tangwa wot ya kiwa sikai, ki skur, ki bei ki pa kamjooh ki District.

Hapoh kani ka CM IMPACT daw saam mynkna ya ki Guidebooks cha ki khynnah, daw yarap ya kiwa sikai da ki bru wa chemphang, daw pynbiang leh ki kot ya kiwa sikai, u chimkhia ya kitu ki skur wa tlot ka Result ki, u khut yow embynta lang ki bei ki pa deiwa thung leh ya ka Oversight Committee.

Kiwa sikai Class-X leh daw yoh ki ya ki Guidebooks kiwa dei mynkna hanla man ki kiwa sikai skur sorkar kamjooh kiwa sikai ha ki skur ki bru samen.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Montri Rangbah da pynlait u leh ya ka Curio Bee’s Learning Box kawa em ki kot wa kiwi de ki jait tiar wow sikai ya ki khynnah wa em nadooh Nursery hadooh Class 3 kiwa nadooh 3 snem hadooh 9 snem.

Da pynlait leh ya ka Science Discovery Kit ki wow pynchlur ya ki khynnah wow chna ya kiwa thymme ki tiar kiwa em nadooh Class 6 hadooh Class 8.

Da saam leh ya ki Booklets ka SSA/DERT wa PM POSHAN ha kani ka jooh ka sngi.