Ka Khasi Student Union Thadlaskein Unit ynne ka sngi da lai pait ki yaka ITI Khliehtyrshi heiyatoh wa i e sikai hadien wa ood kiwa lai puræ ha kani ka thaw nadooh wym biang ki tiar ki tar hawa e sikai yaki.
Neiliang ka seiñ da yaklam ko wa u Vice Principal yong katai ka thaw e sikai uwa da pyntip wa da em du kawi ka Course ka wym pu biang ki tiar wow pynemkaam hawa e sikai wei da pyntip u wa i daw wa slem wow yoh yaki tiar toh neidaw ka khlam heiwa ki bru kiwa toh u wanrah ya kitai ki tiar da hap ki wow leh Quarantine ha man ka jylla hadooh wa poi thaw.
U Vice Principal da ong u wa da ye wow chim por hadooh 2 bnai wow pynbait wow pynbiang ya iwa emkaam hapoh kani ka Institute.
Ha i jooh i por ka seiñ da lai pait ko leh ya u sarok wow lai cha katai ka Institute heiwa da chem wa uni u sarok toh uwa sih bha.
Neiliang ka seiñ da kyrpaad ko leh ya ki bor wa toh u pait wow pait lang ya utai u sarok wei wow chna noh ya oo yow pynsuk ya kiwa lai wa wan kamjooh yow pynbiang ya iwa emkaam kani ka thaw esikai kawa da e myntoi chiboon yaki khynroo khyllood ka thaaiñ.
