Jowai: Hadien wa yoh ujor na ki khynroo wa ki tre chnong wa jooh im haka mylla sngi wa ki ym yoh kreh ki wei da ktah ko nadooh wa wanrah wa kreh mylla sngi ki bru samen kam ki Contractor/ Sub Contract da ki baar jylla wow pynkreh mylla sngi haki kaam chna yung chna kynroh wa kiwi kiwi ki jait kaam wa ye pyn da ki tre chnong u kreh.
Neiliang ka KSU Mawryngkneng Unit da ong ko ini da man i chah thombor wa i chah knieh i hok ki tre jylla u kamai ja kpoh.
Kamtæ ha ka 8 tarik ka KSU Mawryngkneng Unit hapoh i yahkhmat u Shiningstar Kharbihkhiew uwa man kam u General Secretary ka seiñ da lai kynreh ko ya ki Work Permit wa ki kot ki sla ha man la ki chnong yong ka thaiñ Mawryngkneng wei da chem wa ha chnong Sohryngkham Mawlyndep wa da e thaw chong thaw sah ya ki baar jylla kamjooh ki kaam wa ye u kreh da ki tre jylla.
Da chem wa ka kini ki baar jylla ym em ki ya ka Work permit/Labour License wa kiwi ki kot ki sla wa biang, da chem leh wa kini baar jylla da yoh Certificate ki naki kattu katni ki Dorbar Chnong kam wow pynsakhiat yow yoh ki u chong chnong kam ki wow kreh mylla.
Neiliang ka seiñ ha kani ka jooh ka sngi da beh ko ya kini ki baar jylla.
Ka seiñ da kyntu ko ya ki Dorbar Chnong wow pait wow syndong bha yei rukom wan kiwa kreh mylla na baar jylla hapoh ka chnong ka thaw.
Discussion about this post