Neidaw wym yohthaw tæ slem i sdang ya ki medical college ha ka jylla

Shillong: U Montri Rangbah u Dr. Mukul Sangma da ong u wa i slem wow yoh ya ka Shillong Medical College wa ka Tura Medical College toh du neidaw wa slem yoh thaw. Hawa yaklam u ynne ka sngi wa kiwa thoh khubor, u Dr. Mukul da ong u wa ka Shillong Medical College, da toh u yeiñ katni tangwa neidaw wa slem u kyrriah ya ka TB Hospital wa em ha Mawprem ha Umsawli cha Mawdiangdiang.

“Du hadien wa dep kyrriah ya ka TB Hospital, u sdang noh kreh ya ka Shillong Medical College”, da ong u Dr. Mukul wei kamjooh leh ya ka Tura Medical College, kawa hap u chna dur thymme neidaw wa hap u kyrriah na ka thaw wa rim kawa mut wow chan thymme.

Ha kawi ka liang, da ong u wa i chah pyndooh ka NEIGHRIMS ya ka kyrdan Post Graduate na ka Medical Council of India (MCI) toh katkam i chem ka bichaar wa ym em kheiñ bniah bha. Ym mut wa ini mut wa daw pyndooh junom wei daw yoh biang yei tipmit sa chisien.

Hei yatoh won wa kiwa chah ktah ha ka la-ær yong, da ong u wa ka sorkar ka biang piosa ko wow yarap ya kiwa chah ktah ha ka.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da ong u wa ka sorkar ka da pyllait ko ya ka yarap chi ki bank account yong kiwa chah ktah ini waroh kamwa jooh leh nadooh nachwa.