Da: U Shimphang Lyngdoh, Lumputhoi
Manbei wa maya heini ha pyrthai
Ha yung ha sem man phi ki Blai
Wow pynbiang pyntoh liang wa nang
Na yung ha lait deiwa chit wa syang
Ki kaam wa khia da yaichah phi ki
Hei im yong phi wa man-ka-sngi
Dei sneiñ dei khroo ya ki khon ki nat
Ya ka imlang sahlang waroh wa chat
Manbei neiwon u thooh u chem kam phi
Wa ye u chah chitom man-ka-sngi
Yei eh phi wym ñiaw wym kheiñ
I man kyrpang yong phi da bna kylleiñ
Kaamram manbei toh ka kaamram wa khia
Wym ye de u thaw wot da ki pyrla
Na tidiang cha timun wow pait wow yoo
Yei chitom saja yeiwa eh wa khoo
Ka kyrdan manbei toh kawa kyntang
Wa ye u pyndep yeiwa mut wa mang
Wow sotti lana ya ki khon ki kti
Yow tyrchaaiñ ka mynried chisen ka sngi
I sait i khleiñ i chet i tu ha yung ha sem
Ñiar kam ki manbei ha pyrthai u chem
Kam kiwa pynwandur yei miat yei bha
Sah i pyrtuid i naam yong phi kylla rata
Discussion about this post