Ka JSU Central Body da sñiawkhia ko hajrong ka Load Shedding kawa sop-sop ha Ri-loom Jaiñtia neibhah ymtip neiyi i daw wa ka sorkar hap pyndooh bordiñ ko khlem tip ki paidbah.
“Ini i slah dooh bordiñ da ktah i chiboon ya ki paidbah ka thaaiñ liang wanang,” da ong u President ka seiñ, u Jersom Shylla.
Da ong u leh wa boonsien da ong ki wa i dooh bordiñ toh neidaw wa duna ka um, tangwa katni hajrong wa joor u slap leh dang hap chong ki paidbah ka Ri-loom Jaiñtia hei doom i langoh khlem bordiñ wei ka bai bordiñ leh dang ku ko.
Ka seiñ da dawa ko no ka sorkar lyngba ka chnat MeECL wow pynche neiyi i daw ma-ai wa slah pyndooh bordiñ ha Ri-loom Jaiñtia khlem i daw.
