NEOG 2022: Lehbha ka Manipur wa Assam hei yasait khnam

Ka Manipur da lehbha ko hei yasiat khnam ha ka Indian Round ka 2nd North East Olympic Games 2022, katwa ka Assam da lehbha ko ha ka Compound Division ha SAI Training Centre ynne.

Ka Manipur da yoh ko 6 tylli ki takma ksiar, 2 tylli ki takma rupa wa ar tylli ki takam tama 2 ha ka Indian Round. Ka Assam won da yoh ko 1 takma ksiar, 4 tylli ki takam rupa wa 2 tylli ki takma tama. Ka Nagaland da yoh ko 1 i takma rupa, ka Meghalaya 2 tylli ki takma tama katwa ka Arunachal Pradesh 1 i takma tama.

Ha i siat ya u khnam wa tip kam ki Compound, ka Assam da yoh ko 5 tylli ki takma ksiar, 1 takma tama katwa ka Manipur da yoh ko 2 tylli ki takma ksiar, 5 tylli ki takma rupa wa 2 tylli ki takma tama. Ka Arunachal da yoh ko 2 tylli ki takma rupa, ka Nagaland 3 tylli ki takam tama katwa ka Sikkim 1 i takma tama.

Related posts

Poi ka Open-to-All & 1st Veteran Table Tennis Championship ka WJDTTA cha wakut

January 2, 2026

Pynbna ka Assam Warriors Academy sa ka 3rd List kiwa chah jied na ka Trial wa pynman ha East Jaiñtia Hills

January 1, 2026

Iwa mut wa waroh, ka Manipur da yoh ko 19 tylli ki takma wa kynthup ya 8 tylli ki takma ksiar, ka Assam 13 ki takam wa kynthup ya 6 tylli ki takma ksiar, ka Arunachal 3 tylli ki takma wa kynthup ya ar tylli ki takma rupa, ka Nagaland 4 tylli ki takma wa kynthup ya 1 takma rupa, ka Meghalaya 2 tylli ki takma tama katwa ka Sikkim 1 takma tama.

Ka yasiat ya ki khnam Recurve daw pynkut mynstep kawa man leh ka sngi wa khaddooh ka NEOG 2022.