Ka Meghalaya daw yachem ko waka Mizoram ha ka Final ka yalehbol U-21 ki chynrang ha ka 2nd North East Olympic Games 2022 hadien wa jop ki ya jar jiar ki yalehke Semifinal yong ki ynne ha Madan Polo.
Ki paidbah wa boon kiwa da wan paitke ym em yoh thaw chong ki waroh, kiwa da thooh thaw da thooh thaw ki neiwon neiwon yow yoh u pait yei jop ka Meghalaya da 3-0 ya ka Manipur.
Ya ki ar tylli ki kool da thap ha ka kylla step lyngba u Figo Syndai (11′) wa u Nelson Rymbai (20′) wei da pyntikna yei jop ha ka minit wa 88 lyngba u Everbrightson Mylliempdah.
Chwa ini, ka Mizoram won da yachem ko waka Nagaland heiwa da jop ko da 3-1 ha ka yalehke Semifinal wa nyngkong.
Ka Manipur daw yachem ko waka Nagaland yow yaknieh yoh wa le ha ka 15 tarik heipor 4:30 i sngi.
Mynstep won daw pynman ya ki Semifinal ki kynthai hapyrdi ka Manipur wa Mizoram heipor 11:00 waje i step wei daw pynbood da ka Arunachal wa Sikkim heipor 4:30.
