Kiwa ha-yung ha-sem ka Sonam Raghuvanshi kawa dang wiar hadooh kattæ, da ong ki wa da suba wa da chah rahbor ko da kiwa chong chnong kani ka thaaiñ wei yeini da ong leh da u payu ko, u Govind uwa da kylli leh yei wym chem sabut wei da artatien u leh yei rukom pynman ki pulit yei takit.
Da ong u leh wa ki ar tylli ki Mobile Phone ka Sonam dang wiar ki hadooh kattæ wei katkam wa chem ki yei em khaddooh ki deiwa bood ya ka Phone u kurim ko, u Raja toh i thaw wa chem yei metyap u leh.
U Govind da beiñ u leh yeiwa nyngkong wym em wa bien u pdiang wa kani toh ka kaam pynyap bru neibhah wot cha kani ka thaw wa langam leh dang chem yei jhep wei ini pynyoo ko wa ki tre chnong ym dam ki wow emkti.
Da pynbaad u leh wa i yap u Raja toh deiwa em kiwa sooh buit chwa, kamtæ da dawa u wow takit da ka CBI heiyatoh wa ini wa jia wei da ngait u leh wa ka Sonam toh kawa dang im hi.
Da kyntu u leh ya ki NDRF wa SDRF wow pynlut yei bor wow thooh ya ka Sonam deiwa im ko ymtoh deiwa pyrkhat wa thooh yei metyap ko.
Da phylla u leh wa nyngkong i thmu kini ki chi kurim toh wow lai cha Assam tangwa hadien won syndet syndet da lai ki cha Shillong wa Sohra.
Discussion about this post