U Montri Rangbah ka jylla ynne ka sngi da yachem wa kiwa yahkhmat ki Mawlai Town Dorbar (MTD) heiwa da pyntip u wa ki leh em ki yei jooh i sñiaw wow ya krehlang yow wanrah biang yei suk ha Shillong.
Neiliang ka MTD da khut ya u Montri Rangbah wow wan yooh kjat cha Mawlai wei heiyatoh wa ka CRPF Camp da pyntip u Conrad wa da dep yaklam u wa u IG ka CRPF ha kini ki sngi wa da dep hajrong ini i dawa wa da slem bha wow kyrriah noh ya kani ka CRPF Camp.
Da pyntip u leh wa neiliang ka sorkar leh da leh ko ya iwa emkaam yow kyrriah smat noh ya kani ka thaw wei pyn mynstep leh daw em ka yalang hapyrdi u Chief Secretary wa u IG yow yaklam ya iyi wa emkaam wow leh.
Ka MTD da ong ko leh wa ini toh i dawa iwa da slem heiwa da mih ma mih ki kulmar neibhah ki CRP lada mih iwon iwon i kulmar khlem da tip uyi wa leh da dat, da tympiah ki ya ki yung ki sem iwa da wanrah yei mih paidbah iwa pynman wow dawa yow kyrriah noh ya ki CRP.
Da pyntip ki leh wa ka sorkar daw pynbiang ko ya i thaw wa kiwi kiwi kiwa emkaam wei da ngaitskem wa kamwa ka sorkar da kular ko daw mankaam i.
