Hadien wa uwi uwa dai drugs wa tip kam u Kamran Mohammad Khan uwa da chah kem hapoh ka aiñ NDPS Act, da yoh jamin u ha kini ki sngi wa dep, da wanrah yei chah e FIR ki 45 ngut kiwa da lehkmen yeini wa lait patok u deiwa pynheh sur, thang bomkala wei ya kbai ya kyriaw hadooh wa da thut ki paidbah wa chong chnong.
Yeini waroh da em kiwa yoh u riñ Video iwa da jia ha Thane District ka Maharashtra ha ka 16 tarik uni u bani wei uni uwa lait patok toh uwa da chah kset ha Thane Central Jail, wei mar ya mih u da em ki lok u kiwa da jooh chah kset kiwa da yang oo kiwa em kamwa 35 ngut wei na kani ka patok da lai ki da kiwa boon tylli ki kari cha Nayanagar ha Mira Road heiwa da sangeh ki hajan kawi ka Hotel wei da sdang ki wow thang bomkala wei wow ya kbai kyriaw wei yow ya pynheh sur wei heini i lehkmen da emlang kiwa ha-yung ha-sem uwa dang lait patok.
I Video wa jia ini da sdang i wow poor hadooh wa da yoo leh da ki pulit yeini wa jia wei da pynman ya ka takit heiwa da pynngat ya ki 45 ngut hapoh ki kyndon wa pynman yalang paidbah ki khlem da yoh bor.
Ki pulit da tipmit ki leh ya ki 9 ngut na ki 45 ngut wei dang thooh ya kiwi tawon.
Discussion about this post