NH-6: Kluk hapoh thlu wa em ha pyrdi sarok ngam ka Truck, joor ka sahkut kari

I sahteiñ wow pynchna ya u sarok NH-6 ha ka thaaiñ Narpuh hadooh katni leh da wanrah ko yei chitom ya ki paidbah ym du kiwa em hapoh ka jylla kamjooh kiwa na baar jylla kiwa lai luti.

Najrong i sahkut kari, i sih kari neidaw wa joor sih uni u sarok, ynne won da yoo ya kawi ka Truck Dumper kawa da ngam kluk hapoh iwi i thlu wa em ha pyrdi u sarok ha thaaiñ Narpuh.

Ini da wanrah biang yei sahkut kari iwa slem wei da ye wow pynlait ya kani ka Truck deiwa wan taan ka pooh chiloom deilang i yarap ki bru paidbah.

Neiliang ka KSU Narpuh Circle da ong ko wa ka sorkar jylla ym bna ko iyi iyi leh hadooh katni yei jinjar ki paidbah ka thaaiñ Elaka Narpuh deiwa ong wa kopsar ka Contract wa e cha ka Dhar Company da e Sub-Contract won yei pyndap khyndaw cha kitu ki bru ki wym em tiar em tar wow leh iwa da wanrah yei eh i kthang ya ki paidbah.