Ha iwi i jia wa phylla ha Parbhani, Maharashtra, kawi ka kynthai wa 19 snem chirup wa uwi u chynrang da noh ko yei khon wa dang dep kha wot hapoh ka Bus wa dang lai iwa da pynman ya ini i khonboo wow yap i.
Hawa kylli u Conductor iyi noh ki na ka Bus, da khana ki wa da noh ki yei prai kani ka kynthai wei ini da jia i ynnin i step heipor 6:30 katwa dang lai ka Bus wei da tipmit ya kani ka bru kam ka Ritika Dhere kawa lai cha Parbhani na Pune wa uwi u chynrang, u Altaf Shaikh kiwa da emlang hapoh kani ka Sleeper Coach Bus.
Ka Ritika da kha ko yei khon chynrang heipor wa lai ka Bus wei da song ko yei khon ha ka that wei da noh ko ki najrong kani ka Bus.
Hawa takit uwa yah ka Bus, u Altaf da ong u wa da syuiñ ka Ritika wei da prai ko.
Da tip yeiwa jia hadien wa em u bru wa lai luti wa yoo yeini wa leh ki wei da pyntip u cha ki pulit kiwa da booddien ya kani ka Bus.
Neiliang ki pulit da kem ki ya ka Ritika Dhere wa u Altaf Shaikh wei heipor wa takit da ong ki wa i daw wa noh ki yei khonboo toh neidaw wym pu em poisa ki wow ri ya i khon.
Hadien ini da kit noh ya ka Ritika cha thaw sumaar.
Hajrong ini da Register ya ka Case ha Pathri Police Station ha Parbhani hapoh ka Section 94 (3), (5) ka BNS.
Discussion about this post