I joor u slap da suba toh i daw wa da wanrah ya ka rel kit mar wow noh ko na ka yingkieñ chapoh ka wah Nandira ha jylla Odisha.
Kamwa 6 tylli ki daba rel da kynthiar ki charood wei da ku ki kawi hajrong kawi heipor wa lai luti ha ki bynta ka Angul-Talcher wa em hapoh ka East Coast Railways (ECoR) wei ini da jia i ynne heipor 2:30 i step.
6 tylli ki daba rel da noh ki chapoh ka wah katwa ka Engine da neh ko hajrong ka luti rel heiwa uwa yah deilang wa ki wakreh da lait ki nei mynsoo.
Kani ka rel kit mar toh kawa lai cha Khurda Road na Firozpur.
Ha ini i thaw wa tip kam i Talcher da hiar u slap hadooh 160 mm ynnin ka sngi katwa ha Angul won 74 mm.
Hadien ini i jia, ka ECoR da pyndam ko ya 12 tylli ki rel wei ya ki 8 tylli won da pynlai na kiwi ki luti katwa kiwi won da pyndam ya ki chiteiñ luti.
