Heipor pyrdi synyaaw yong ka 17 tarik, kawi ka Tuck Company kawa kit Clinker wa wan na thaaiñ Lumchnong, East Jaiñtia Hills da noh ko chapoh i synrang wa jrong iwa em mar ya poi ha Wahgate, Jowai hadooh wa da pra ko phrai khamtam i bynta wa naphrang yong ka, wei uwa yah yong ka leh uwa tip pyrtuid kam u Khrawkupar Phawa uwa naka chnong Sohmynting, West Jaiñtia Hills da khlaad noh u.
Chwa wa kani ka Truck u haap ko chapoh riat, nyngkong da tyrrah ko ya ka dukan e la-ær Tyre kari iwa em harood u sarok Jowai-Shillong wei embhah uwa kreh ha kani ka dukan ym em sah u hapoh dukan ha ini i por wa jia.
Heiyatoh wa ini i jia, neiliang ki bor pulit ka Jowai nadooh ynnin i miet da thooh ki ya uni uwa yah ya kani ka Truck uwa da sahkut tangwa ym chem ki oo, wei hadooh ynne ka sngi heipor kamwa 2:30 haroh da ye ki u sai ya oo deiwa yarap taan ki 4 tylli ki kari khwe neitæ ki bru ka Search and Rescue Team, ka Fire & Emergency Service wa kiwi.
Discussion about this post