Jowai : Ynne i sngi, heipor kamwa 3:30 nohchariñ ka sngi, kawi ka kari kamai Local Taxi da noh ko cha iwi i synrang wa em ha u sarok Dulong College Road, Salaroh, Jowai.
Kani ka kari toh ka Maruti Alto 800 kawa em u No. ML 04C 3497 wei da wan ko neiliang Dulong wei manda poi hajan ki Guard Wall wa em ha uni u sarok da noh ko cha synrang.
Hadien wa noh ko, ki dieñ wa em harood sarok wa ha chiteiñ synrang da ksoh ki ya kani ka kari, iwa da pynyait ya ka wow haap ko chadooh cha liar wa em ha tre ini i synrang.
Kiwa pyllait ya uwa yah napoh kari da ong ki wa uwa yah man u uwa da chongchit kiad bha wei dang pynheh sur bha u heipor wa pyllait ki oo.
Da ong wa uni uwa yah da chim u ya uni u chabi kani ka kari na u lok yong u tre yong ka ha uwa da eksoh ya u chabi kani ka kari, wei uni uwa yah leh ymtoh ware uwa pliah.
Ki pulit leh da wan ki ha in i thaw yow pynman ya i takit, wei ha ini i jia ym em wa mynsoo neibhah hadien wa pyllait ya uwa yah napoh kari da liwan noh u.
Discussion about this post