Ka Union Public Service Commission (UPSC) da pynbna ko ya ka Final Result ka UPSC Civil Services Examination, 2021 heiwa ha uni u snem da poi chakhmat da ki kynthai soo ngut kiwa yoh nyngkong hadooh wa soo.
Ka Shruti Sharma da yoh nyngkong ko iwa da pynbood daka Ankita Agarwal hei wa ar, ka Gamini Singla hei wa le waka Aishwarya Verma hei wa soo.
Waroh da em 685 ngut kiwa da chah jied wa kynthup ya 244 ngut ki General, 73 ngut ki EWS, 203 ngut ki OBC, 105 ngut ki SC wa 60 ngut ki ST yow man kam ki Indian Administrative Service (IAS), Indian Foreign Service (IFS), Indian Police Service (IPS), Central Services, Group ‘A’ wa Group ‘B’ Post.
Ka UPSC Civil Services 2021 Examination toh kawa da pynman ha ka 10-10-21. Ka Mains Exam da pynman ha ka 07-01-22 wei yaka Interview Round da pynman ha ka 05-04-22.
Neiliang u Prime Minister Narendra Modi da e khublei u ya kini kiwa da chah jied deiwa pynchlur wow kreh ki neibynta ka ri. Da e mynsien u leh ya kitu kiwi ki wym lait.
U Union Minister of State (Independent Charge) Science & Technology Jitendra Singh leh da e khublei u deiwa ong “Women power at it’s best!” deiwa e khublei ya kini ki kynthai wa da poi chakhmat.
Download ya ka Result heini.
