Nyngkong mut chwa u ksohbor wei pynyap won deiwa pynngam um ya ka Insaphira

I takit ki pulit ya u khynnah wa 13 snem uwa da chah pynbaad heiyatoh wa i yap ka Insaphira Lyngdoh Mawnai (4 snem) kawa na Nongrah Nonglum, da chem wa da em i thmu u wow ksohbor ka chwa u pynyap ka deiwa pynngam um.

Kam wow pynkynmoo wa yei metyap ka Insaphira da chem na ka um wa em ha i yung wa dang chna hajan hi i thaw wa sah ko hadien wa wiar ko dang step na yung ha u Naikhynde uni u snem.

U SP ka East Khasi Hills, u Vivek Syiem da ong u wa i takit kattæ dapoi i cha wakut wei da sñiawthooh che yeiwa jia wa uni u khynnah em u yei thmu wow ksohbor ya kani ka khynnah.

Ki pulit da chem ki leh wa na ka Mobile Phone ka bei u wa pynemkaam uni u khynnah wa pait u ya ki jait Video dakait chwa wow jia ini iwa pynyoo wa da em chwa i thmu u wow yah ya kani ka khynnah cha i thaw wa jia.

U SP da pyntip u wa uni u khynnah toh uwa pait bha ya kam kini ki jait Video ha ka Internet wei ha katai ka sngi wa jia ini, da lai chwa u wow pait yei thaw wei da lai yah u ya kani ka khynnah cha kani ka thaw.

Yeini waroh da chem na ka Mobile Phone ka bei uni u khynnah wei manda pait ya ka Browsing History ka Phone da pyntikna leh yeini wa pait uni u khynnah ya kini ki jait Video deiwa phah leh ya ka Phone cha ka Forensic Science Laboratory (FSL), wei ka bei uni u khynnah da khana ko wa pynemkaam u khon ko ya ka Phone ko, da pyntip u SP.

Uni u khynnah toh uwa jooh yahke ya kani ka khynnah nadooh nachwa wei ha katai ka sngi da em leh du kawi ka waheh ha yung kawa dang boon kaam.

Related posts

Kyntait ka HC ya ka PIL deiwa ong wa kiwa chah ktah nei dai thaw ya ka Shree Cement ye ki wow wan chakhmat

December 18, 2025

Lai saam kot lakdop ka KSU Khliehriat yow pyrchah ya ka Shree Cement

December 18, 2025

Manda lai yah u ya kani ka khynnah cha i yung wa dang chna, da pyrchang u wow ksohbor ka tangwa kani ka khynnah da maham ko wow khana ya ka beikhian ko wei heini i por uni u khynnah da pynyap u ka deiwa pynngam um ka.

Tangwa neidaw won wa uni u khynnah toh uwa dang hapoh 18 snem wei lada leh ki yei kaam wa chyrkhei leh, ym ye wow pynchitom ki deiwa phah kset patok. Wei i thmu toh wow yarap ya ki yow man ki ki bru wa bha deiwa booh ki ha ki Correctional Centre.

Heiyatoh won wa u khynnah wa dang 7 snem uwa wiar na Lum Marboh ka Nongrah, heiwa yei matyap u da chem najan Lumrumnong-Mawpat hei step ka 9 tarik u October, u SP da pyntip u wa dang takit yow chem yei daw wa chah pynyap u.

Da pyntip u leh wa ym pu em kem ya kiwon kiwon hanla da em kiwa chah takit wei iwa eh toh neidaw ini i thaw wa jia ym em CCTV wei i thaw wa em CCTV leh toh du chiliang donhi.