Ong u Lat wa thymme wa tip hi u yei dawa ILP ha Meghalaya

U Lat wa thymme ka jylla Meghalaya, u Chandrashekhar H Vijayashankar da ong u wa wan u na ka jooh ka jaitbru kamwa man ki bru ha kani ka jylla wei tip u ya ki mat yong ki paidbah ha kani ka jylla. Ya ini da ong u Lat hawa klam wa kiwa pathai khubor kiwa da kylli hajrong i dawa pynkrehkaam ya ka Inner Line Permit (ILP) ha kani ka jylla.

U Lat Vijayashankar da ong u wa oo da wan teiñ u nachwa cha ka jylla heipor wa man u kam u MP wei kam u dkhot ka Parliamentary Standing Committee.

Kam u Lat wa thymme ka jylla, da ong u wa oo tip wei sñiawthooh u ya ki mat yong ka thaaiñ wei toh u pynbait ya ki wei wow e ya i bichaar hok ya ki paidbah.

Da ong u wa ka jylla Meghalaya sariem ko kam ka jylla yong oo kawa dap da ki khloo wa ki dieñ wei ka nongbah Shillong man ko kawa khooid wei kam u Lat ka mat wa kongsan bha ya oo toh i roi i paar wei daw pynsñiaw u cha ki Montri ka sorkar pyrdi hajrong ini.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

U Lat da ong u wa da sñiaw u wa ka Shillong man ko ka nongbah kawa khooid wei emkaam wow pynneh yeini. Ym du itæ, da ong u leh wa ka jylla Meghalaya man ko kawa suk wa saiñ wei pdiang sñiawbha u leh ya ki paidbah wow tei ya ka jylla. Da ong u leh wa ym em daw u wow pynkmen yeiyi yeiyi næ ya ki sahep sorkar næ kiwa mihkhmat san snem tangwa chaniah u ya waroh wow wanrah ya i roi i paar.  

Da ong u leh wa ym em u heini kam u Lat neibynta i kaam samen yongyi yongyi lait na ka President wa u Montri Rangbahdooh ka ri kiwa da phah ya oo wow wan chakri u ya ki paidbah ka Meghalaya.

Chooh chooh da ong u wa manda mih u neini emkaam wow kynmoo hi-eh ya oo kam u bru wa da wanrah ya ki kaam pynroi hapoh ka jylla.  

Da ong u leh wa heipor wa man u kam u MP ha Lok Sabha, u Purno A Sangma uwa na kani ka jylla, man u kam u Speaker ka Lok Sabha wei hawa man u katni kam u Lat ka jylla Meghalaya, u khon yong u Purno, u Conrad K Sangma man u kam u Montri Rangbah ka jylla, wei tip bha u ya ka yung ka sem yong ki.

Heijooh i por, da ong u wa ym em thmu næ kyrpaad u ya kiwon kiwon wow thung ya oo kam u Lat tangwa da yoh yutip u lyngba ka Phone na u Montri Rangbahdood ka ri, u Narendra Modi uwa pyntip syndet ya oo, wow thung u ya oo kam u Lat ka Meghalaya wei ini i leh u Modi man i kamwa leh u Montri Rangbahdooh warim ka ri u AB Vajpayee, uwa thung President ya u Dr. APJ Abdul Kalam.