Ood ki paidbah ka thaiñ War wa dooh light la chi tayaw tam

Jowai: Ki paidbah ka thaiñ War Jaiñtia da ood ki wa ym em yoh light ki kattu la palat chityaw wei da ktah joor ko ya ki thaw uiñke suwari kam ka Shnongpdeng kiwa da pyntip wa kiwa sahmiet da khñium ya ini i dooh light wei ye kiwa sahmiet u rah khubor cha kiwi yeini i dooh light, wei daw sdang ki bru u dam u sahmiet.

Hei yatoh wa ini ka SDO ka Amlarem Civil Sub-Division da pyntip ko wa ha ka yungkrehkaam yong ka leh ym em light kamjooh waroh ka thaiñ War Jaiñtia neidaw wa dang phiah (Double Circuit Line) ha Mustem Sub-station ya u lain Jowai wa u lain Amlarem.

Kamtæ ka light cha thaiñ War da hap pyndooh noh katwa ya ka Jowai da yoh light ko na Khliehriat tangwa hadien 5 waje won da pynyoh light biang cha ki thaiñ War.

Da pyntip ko leh wa u lain 33Kv ka Sohkha da chah dat pyrthat u ynnin i miet kamtæ daw dooh light biang hadooh cha Dawki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam wow pynkynmo, ya u Double Circuit Line da chna yow yarap ya ka thaiñ War kamjooh leh ya ka chnong Jowai neibhah kamwa wa man katni lada sih ka light ha Jowai kiwa cha War leh hap pyndooh light ya ki wei man ko kamjooh lada sih cha thaiñ War hap pyndooh cha Jowai.

Manda em uni u Double Circuit Line ka Jowai wa ka thaiñ War daw yoh ki jar jiar u lain.