Jowai: Ki paidbah kiwa na kylleiñ ka ri-loom Jaiñtia kiwa wan emkaam cha ka Jowai Post Office da ood ki khamtam heipor wa wan thap poisa ki ha ki Saving Account, ki Life Insurance wa kiwi kiwi neidaw wa boonsien ong kiwa kreh wa thut ka network namo wa down ka link.
Heiyatoh wa ini, hawa yaklam wa kiwa pathai khubor neiliang u Post Master kani ka yungkrehkaam, u Rishikesh Das da pdiang u wei da kubur u wa em sakhiat itæ i thut kiwa da ktah ya ki paidbah man ka sngi.
Da ong u wa i daw toh wa ka link wa pynemkaam ki toh ka yong ka Sifi kawa da Guwahati wei ymtip neiyi i daw wa slah thut kani ka Network.
Heijooh i por da pyntip u wa i kaam iwa ye u pyndep du hapoh 30 Second, teiñ teiñ neidaw wa sih ware ka link da chimpor ko hadooh 15 minit wow pyndep wei hawa man kamni da kyntu ki ya ki paidbah wow ieh ya ki Passbook yong ki wei u pyndep yei kaam yong ki mar hoi ka Link.
Neiliang kiwa kreh kani ka yunkrehkaam da ong ki wa dei langær jooh pyntip ki cha ki bor wa hajrong heiyatoh wa ini tangwa hadooh ynne ka sngi leh ympu yoh yei jubab na ki.
Discussion about this post