Kiwa chong kari kamai Shangpung-Jowai da pyntip ki cha u Wyrta wa chim kabu kiwa kamai ya ki paidbah deiwa chim dor syad tangwa i thap bru toh deiwa boon ngut.
Kiwa chong kari da ong ki nachwa ka bai kari man ko T. 100 i lai i wan katwa katni da poi ko T. 240 deiwa ong leh wa ku bai phñiang T. 10, kiwa kamai pynku bai kari ki dei T. 100 tam iwa da su na uwi pa uwi uwa chong kari.
Ini da ong ki wa da lut ka bai nongsngi du haka bai kari wei ym em leh bood ya ki kyndon rukum kit bru wei ym sñiaw ngait ki wa da yoh bor ki na u DTO wow pynku bai kari.
Chooh chooh da ong wa ym leh bood yaka Social Distancing hawa chong kari katwa ka bai kari won da ku la ar chah.
Da pynbaad ki leh wa ini toh i baamsap wa heh bha yong kiwa kamai kari.
