Hadien wa wan syndet u slap wa joor nadooh ynnin i miet, ynne i step da sakhi ya i oor i khyndaw wa ki moo ha u sarok wow lai cha chnong Chyrmang, West Jaiñtia Hills ha i bynta wa tip kam i Nohkhuri.
Katkam ka yutip wa da yoh da antaad wa ini i khyndaw wa ki moo da oor ki ynne i step synyaaw.
Hawa yaklam wa u waheh chnong ka Chyrmang Neiñ, u Skhemki Dkhar da pyntip u wa ynne da wan ki sahep na ka chnat PWD wow pait u sylli ya iwa oor khnang wow ye u leh noh yeiwa emkaam.
Da ong u leh wa neidaw wa dang joor u slap ynne wei dang em i bynta wa synjor wa ye u oor neiliang ki sahep da pyntip ki wa ympu ye ki wow phah pynkhooid ya iwa oor.
