Khliehriat: Katkam ka khubor kawa da phah lyngba u Namphrangmi L Talang, General Secretary yong ka seiñ Southern Border Youth Welfare Association (SBYWA), Elaka Rymbai & Lakadong, East Jaiñtia Hills District Khliehriat da ong u wa u sarok wa lai wa wan ki paidbah yong ka thaiñ khappood wa kynthup ya ki chnong kam ka Pynurkba, Bataw, Lakadong, Lama, Borkhat ,Kwator, Hingaria-Huroi wa kiwi ki de ki chnong wa tip leh kam u Rymbai-Bataw-Borkhat da em i oor khyndaw.
Da pyntip wa ha ki bynta ha wah chnong yong ka Chnong Ladwah Wapung da chem wa da em i oor khyndaw (landslide) heiwa da booh ko hei ma ya ki paidbah khamtam na ka liang tidiang yong uni u sarok hawa lai cha kini ki chnong khappood neibhah ym em chna pynmiat ka tnat PWD da i kynrooh wa skem neiliang tidiang tangwa da pyndap ko du u chyiap ha ka churia khyndawbilat wow pynman kynroh.
“Ini i leh da booh ko ya ki paidbah hei ma neibhah wa heiwon iwon i por khamtam ha kini ki por lyiur wa joor u slap kini ki churia ye ki u oor” da ong u Talang.
Da pteiñ chooh chooh u deiwa ong hawa ha kani ka thaw wa oor khyndaw da chynna khaler ka tnat PWD Road kawa toh pait u ya i chna ya kani ka kynroh neibhah ym em yahap ko wa ka rukom man ka thaw heiwa da chna da ki kynroh wa khian.
“Lada kamni yei yi u pynbaad i ya u Contractor namo ka tnat PWD mo kawa pait wa sylli yei chna ya ini i kynroh?” Da kylli u Talang.
Kamtæ ka seiñ SBYWA da kyrpaad ko ya ka tnat PWD Road wow chimkhia u chna biang ya kani ka kynroh ha waroh arliang yong uni u sarok ha kani ka thaw (Lawahwapung) khamtam wow noh ya i khyndaw wa oor ha lynter u sarok Rymbai-Bataw – Borkhat neibhah heini por lyiur wa joor slap hawa ka um ha ki dooid (Side-drain) da tooid ko na pyrdi uni u sarok katwa kamtae da em hei ma uni u sarok wa ye u oor u neiliang tidiang wa haap ka um heiwa da kynroh da ki churia wa ki chyiap, da ong u Namphrangmi L Talang , GS SBYWA, EJHD.
Discussion about this post