Jowai: Ynne ka sngi Hat 11 tarik heipor 7:30 i step da em i oor yong i khyndaw ha Dong Umchangiar, Jowai wei da chah ban leh i bynta yong i yung na liang wa oor i khyndaw tangwa heini i jia ym em i takha i mynsoo lait noh du wa pra i bynta yong i yung wa i chah ban chah tymmoh ki tiar hei khyndaw.
Hei yaklam wa u Jop Laloo, General Secretary ka Dong Umchangiar da khana wa ini i yung toh iwa mantre da ka Mil Chyrmang wei da sah heini i yung da ka Tis Lyngdoh.
Katkam ki dak ki chin i man yong ini i yung toh iwa darim wei ym chngaaiñ de i sah kamtæ ka kong Tis Lyngdoh neibynta wow man i thaw rieh wa chipor da rah ko ya ki tiar ki tar waroh ha yung Yonglang ka Dong Umchangiar.
Chooh chooh leh iwa yootieñsar lada jia wa dang pteiñ i hiar yong u slap wajoor ha kini ki sngi yoo em hei maa leh ya ka luti lai kjat wa em hapoh ka Dong Umchangiar.
