Jowai : Katkam ka khubor wa yoh slem ynne ka miet da ong wa da em kawi ka Night-super wa wan na Silchar, Assam da noh ko cha synrang wa jrong kamwa 500 phut.
Ini da jia i hei miet ka 14 tarik heipor hachwa u kynjoh 10 waje i miet wei da jia i ha ka thaiñ Sonapur, East Jaiñtia Hills.
Katkam ka khubor wa da yoh da ong wa kamwa 95 naka 100 (95%) næ aw jan waroh kiwa em hpoh ka bus da dooh ki yei mynsien yong ki ha ini i jia.
Neiliang ki bor pulit, ka BSF wa ki 108 da wan smat ki cheini i thaw yow e yarap ya kiwa mynsoo.
Neidaw wa doom ware wei synrang i thaw kiwa wan yarap chem chitom bha ki u yarap ya ki neibhah wa haap hiar ki cha synrang.
I rukom man i thaw da pynchitom i ya kiwa wan yarap heiwa da duk ki u pynemkaam da ki tylle yow hiar cha i thaw wa neh kani ka bus.
Neiliang u Wyrta daw wanrah chooh chooh i cha phi ya ka khubor hei yatoh wa ini i jia wa sñiawsih.
Discussion about this post