Ka Tunnel wa dang chna ha u Yamunotri Highway wa em hapoh ka Uttarkashi District ka jylla Uttarakhand da oor ko ynne i step heipor 4:00 heiwa da chah kset kamwa 40 ngut kiwa kreh wa em chapoh.
Kani ka Tunnel toh kawa da chna yow pynyabi ya ka chnong Silkyara waka Dandalgaon heiwa ki bor sorkar da pyntip ki wa kini kiwa chah kset chapoh ym em wa yap na ki wei da pynlait la-ær leh cha kini lynbga ki Pipe yow lait ki wow dooh sang-et tangwa ym pu u yoh wow yaklam wa kini kiwa chah kset.
Da wan wow yarap pynlait ya kini kiwa chah kset da ki bru ka State Disaster Response Force (SDRF) deilang wa ki bru ka National Disaster Response Force (NDRF) wei da wanrah leh ya ki pooh chiloom yow kyrriah ya ki moo wa oor.
Da antaad wa ini i oor moo, oor khyndaw chapoh kani ka Tunnel toh iwa jrong kamwa 25 hadooh 50 Meter chapoh kani ka Tunnel tangwa ym em kini kiwa kreh hei maa neidaw wym em oor moo hei thaw wa em ki wei lait hi ki u lai u wan kamwa 400 Meter wei ka la-ær wa em hapoh toh kawa daw dap hadooh 10 kynta iwa daw e por deiwa biang wow sai ki.
Da pyntip leh wa ini oor kani ka Tunnel toh iwa jia kamwa 200 Meter na i thaw psiah cha kani ka Tunnel wei kiwa kreh da em ki kamwa 2,800 Meter chapoh. Kini kiwa kreh kiwa boon toh kiwa na Bihar wa Jharkhand.
Kani ka Tunnel toh kawa da chna yow jrong 4.5 Km wei da chna da ka Navayuga Engineering Company hei pait lang ka National Highways & Infrastructure Development Corporation Limited.
Discussion about this post