Oor ka yingkieñ ha USA hadien wa chah tyrrah ha ka jhaad wa yah da ki nong India

Kawi ka yingkieñ naar ha sorbah Baltimore ka ri USA, ynne heipor kamwa 1:30 i step synyaaw da oor ko hadien wa chah tyrrah ko ha kawi ka jhaad kit mar.

Kani ka yingkieñ wa tip kam ka Francis Scott Key Bridge toh kawa jrong kamwa 3 Km kawa kaap chiliang yaka wah Patapsco wei i chibynta yong ka da pynwandur ka ha ka yingkieñ ryntieh namo ka Steel Arch Bridge wei da wai ya ka ha u snem 1977.

Katkam ki Video wa da poor lyngba ki Social Media da pynyoo ya iwa jia heipor wa tyrrah kani ka jhaad ha kani ka yingkieñ hadooh wa oor wei kheiñ lyngkhot kani ka yingkieñ. 

I bynta yong kani ka yingkieñ kawa jrong kamwa 2.5 km da chah ktah i wei na ini kynthup i leh ya ki bynta ka yingkieñ wa da oor chapoh kani ka wah. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ka jhaad wa tyrrah ya kani ka yingkieñ da tip pyrtuid kam ka Dali kawa mih na Port of Baltimore cha yow lai cha Colombo, Sri Lanka wei waroh kiwa kreh hapoh kani ka jhaad toh kiwa na India kiwa em 22 ngut.

Chooh chooh heipor wa tyrrah kani ka jhaad ya kani ka yingkieñ da em leh ki kari deilang wa ki bru wa kreh ha ka wei na kiwa haap cha ka wah da ye wow sai ya kamwa ar ngut wei i yarap ya kiwi dang pteiñ heiwa da antaad kiwa em hapoh um da em ki kamwa 20 ngut.

Neiliang u Governor ka Maryland da khana u wa kani ka jhaad lai ko kamwa 9 Mph i smat wei da pyntip chwa ko yei wow tyngkhooh ha kani ka yingkieñ heiwa da ye u pynsangeh ya ki kari wow lai ki na kani ka yingkieñ iwa da yarap yow lait nei jia wa sñiawsih. 

Hadooh wa tip katni i daw wa tyrrah kani ka jhaad ya kani ka yingkieñ toh neidaw wa thut i rukom krehkaam ka bordiñ ha ka wei ym em bor de wow pyndong pynsangeh ka.