Ha i jia wa da yoh ki paidbah u riñ Video ynnin, kawi ka yingkieñ ha ka wah Bakra ha Bihar da oor ko chi bhah chwa wow wai paidbah ka.
I Video wa da yoh u riñ toh heipor wa oor ko chi bhah wei da poor bha i ha Social Media wei kani ka yingkieñ toh kawa jrong 182 metre kawa em ha Araria District.
Ya kani ka yingkieñ da chna hei dor wa Rs. 12 klur hapoh ka PM Gramin Sadak Scheme kawa nyngong da mang poisa Rs. 7.79 klur wei da sdang u chan ka ha u April 2021 wei da pyndep ka ha uni u bnai dei thmu wow wai noh ka mar ya dep u pynchna ya ki sarok wa poi cha kani ka yingkieñ.
Da suba wa neidaw wa i tih khyndaw hajan ki ar tylli ki paya kani ka yingkieñ yow suk ka um u kai da pyntlot pathan ya ki paya wei waroh kini ki paya da em ki 16 tylli.
Ha u 2020 hadien wa joor u slap kani ka jooh ka yingkieñ hajan da oor ko heiwa 12 ngut da haap ki cha ka wah Bakra.
Discussion about this post