U slap wa joor uwa da pteiñ biang nadooh ka tayaw wa da dep ha kylleiñ ka jylla da wanrah biang u yei ktah hei lai i wan ki bru heiwa da oor khyndaw ha West Jaiñtia Hills wa ha East Jaiñtia Hills.
Ha West Jaiñtia Hills ynne da oor khyndaw, ki moo, ki dieñ ha boon tylli ki bynta u sarok wa lai cha Darrang-Shnongpdeng wei ini mut wa ym lait de i lai ki kari, kamtæ da kyntu ya kiwa uiñke suwari wow man kiwa syndong hawa lai cha kini ki thaw.
Ha East Jaiñtia Hills da oor khyndaw biang ha u sarokbah NH-06 ha chnong Sonapur ynne i step iwa da pynsahkut biang yei lai i wan ki kari.
Neiliang ki pulit da kyntu ki ya ki paidbah wow man kiwa yaichah katwa dang pynkhooid yeini wei lada emkaam jhan wow Phone ha u Number 112.
Ka India Meteorological Department, Shillong Centre da pyntip ko wa u slap daw pteiñ u hadooh ka 18 tarik wei daw joor u slap ha ka 15,16 wa 17 tarik.
