Ha ka lehkmen ya ka sngi laitlooid ka ri kawa da pynman ynnin ka sngi ha madan Polo, Shillong, da em kamwa 15 ngut ki khynnah skur kiwa da oor nei khai tlot ki katwa dang klam u Montri Rangbah, u Conrad Kongal Sangma.
Napyrdi kini kiwa da embynta ha ka Parade wa da pynman ha Polo, kamwa 200 ngut toh ki khynnah skur wa da mihkhmat na ki skur waphær waphær kiwa em ha nongbah Shillong, wei kamwa 15 ngut na kini ki khynnah skur da oor ki hapyrdi madan heiwa da pynkit noh ya ki da ki Stretcher wow sumaar.
Katkam i khana ki Doctor wa em ha katai ka madan, da ong wa i oor kini ki khynnah toh nei ngiah palat wei raw um i doh i pran wei hadien wa da e yarap ya ki ym em de phær ki wei da phah liwan ki cha yung.
Discussion about this post