Ka Open to All Knockout Football Tournament-2022 wa pynman da ka West Jaiñtia District Sports Association (WJDSA) Jowai, kam chibynta i lehkmen dap 50 snem ka seiñ da pteiñ ya ka ynne kawa man leh ka sngi wa ynru kani ka lympung.
Ka yalehke ynne toh hapyrdi ka Little Star Academy Mairang waka Moobynna FC Nartiang heiwa ka Little Star da jop ko da 3-1.
Ya ka Little Star da thap kool da u Kordor Dkhar haka minit wa 13 wa u Banshan Nongdhar haka minit wa 45 wa 70. Katwa yaka Moobynna da thap da u Emerald Dan haka minit wa 46.
Ka yalehke mynstep u man ko hapyrdi ka SBSA Academy EJH waka PHE Jowai heipor 2:00 waje i sngi kawa man leh kam ka yakhun Pre-Quarter.
