Ka Open to All Knockout Football Tournament-2022 wa pynman da ka West Jaiñtia District Sports Association (WJDSA) Jowai, kam chibynta i lehkmen dap 50 snem ka seiñ da pteiñ ya ka ynne hadien ka 10 tarik kawa man leh ka sngi wa le kani ka lympung.
Ynne da pynman ar tylli ki yalehke heiwa ka PHE XI da jop ko yaka 7 Wasa United da 3-0 da ki kool wa thap u Lastborn Suting heipor 25 minit, u Edingborn Lyngdoh heipor 26 minit wa u Primrose Lamat ha ka minit wa 79.
Ka Nonglamin Nongtalang won da jop ko ya ka Chnongrim da 2-1.
Ya ka Nonglamin da thap kool da u Mahrhen Lyngdoh Giri ha ka minit wa 58 wa u Puson Rymbui ha ka minit wa 70 katwa ya ka Chnongrim da thap da u Lambha Sukhlain ha ka minit wa 34.
Ki yalehke mynstep daw pynman ar tylli heiwa daw sdang da ka Jarain FC pyrchah ya ka Chirupdeilang heipor 12:00 waje pyrdi sngi wei daw pynbood da ka Mukhla Ialong waka Lama Youth FC heipor 2:00 waje i sngi.
