Paan jubab ka NGT na ki chnat sorkar, ki Pollution Board, ki Contractor yei chna sarok dei ktah ya ka wah Myntdu

U Khroo Lamsalanki Pariat da lai rah u cha ka NGT ya ka sorkar Meghalaya deilang wa kiwi de heiyatoh wa i chna ya u sarok Jowai Bypass uwa na Khliehtyrchi cha Treiongriang heiwa yei ktieh, i khyndaw wa kiwi de wa mih nei chna sarok da noh ki chapoh ka wah Myntdu iwa da ktah lut ya waroh kiwa im wa em hapoh kamjooh charood ka wah.

Ka NGT ha ka 21-11-24 da thung ko da ka Joint Committee kawa da phah wow e ko ya ka bui (Report) hapoh ar bnai wei ya kani da e da ka CPCB ha ka 10-02-25.

Ha kani ka Report da ong wa hei lai pait yeini i chna sarok da chem wa hawa ah khyndaw yow chna ya uni u sarok, da noh lut yei khyndaw, u moo wa kiwi cha tre loom wei da chem leh wym em booh ki thaw wa kyrpang yow pynlang yeiwa mih nei tih sarok katkam ka C&D Waste Management Rules, 2016 ha iwon iwon i thaw ha chnong Jowai.

Kani ka Joint Committee da ong ko wa da chem wa u Contractor da chna kynroh u da ki churia wa thap khyndaw hapoh yow khang yei tooid ki jakhlia cha ka wah tangwa da chem leh wym em booh yukheiñ katwon i jakhlia, i khyndaw wa mih nei chna ya uni u sarok wei ym em leh em i mynjur wa ki bor District kammon wow leh wow pynlang pynlum yei jakhlia wei khyndaw wa mih katkam ka C&D Waste Management Rules, 2016.

Related posts

Da jied ya u Robert Francis Prevost kam u Pope wa thymme

May 8, 2025

Pynkhreh ka sorkar wym duna baam ha Meghalaya lada toh joor ka thma

May 8, 2025

Ha ini i lai pait, neiliang ki bru ka MSPCB da chim nongmuna ki ya ka um heithaw wa kamwa 100m chawah wa yachem ka Mynkrem waka Myntdu heiwa da chem wa ka um toh kawa biang u pynemkaam yow sum u slait wei i chna ya u sarok ym em ktah ko yei bha i miat ka um. Tangwa i noh yei khyndaw, ki moo da pynktieh pynjngud ko ya ka um.

Da lai pait leh ya ka thaw taan umkor ka chnat PHE neibynta ka chnong Jowai heiwa da chem wa ka um man ko kawa biang.

Da lai leh chei thaw noh jhep ka Municipal wa em ha u sarok Jowai-Dawki heiwa da chem wa da noh kulmar cha rood loom wei ym em leh ka thaw wow leh ya ka Solid Waste Processing ha Jowai.

Ka Joint Committee da sñiaw ko wa ka PWD toh u pyntikna ko wa i kreh ya uni u sarok toh u pyndep noh ha uni u bnai March 2025.

Neiliang ka NGT da phah ko ya u Contractor, ki bor sorkar wow chna chooh ki kynroh (Sandbag Walls) ha ki thaw wa ye u tooid bha i khyndaw, u moo cha ka wah Myntdu. Da phah leh wow khang yei noh khyndaw, noh jhep, ki moo ha ki thaw wym em yoh bor wei ki bor District toh u jied ki yei thaw wa chah u leh yeini.

Da phah leh wow booh yukheiñ hadooh katwon i jakhlia wa da mih wei wow pynkhreh ya ka Waste Management Plan katkam ka C&D Waste Management Rules, 2016.

Ka NGT da paan ko leh yei jubab heiyatoh wa ini na ka sorkar Meghalaya lyngba u Chief Secretary, u District Magistrate ka Jowai, ka Central Pollution Control Board lyngba u Member Secretary, ka Regional Office ka Ministry of Environment, Forest and Climate Change, ka Meghalaya Pollution Control Board lyngba u Member Secretary, ka Jowai Municipal Board lyngba ka Executive Officer, ka Public Works Department ka sorkar Meghalaya, lyngba u Chief Engineer, ka M/s Kampung Kamyer Trading Company wa ka M/s Dhar Construction Company kiwa da chah pynngat lang ha kani ka mukotduma.