Ka Angela Rangad da thoh ko cha u Chairperson ka Meghalaya Lokayukta yow dawa yeiwa da pynyoo ki wakreh sorkar yeiwa em ki wa kynthup nadooh i yong ki kurim, ki khon ki kiti wa chaniah ha ki katkam ka aiñ Meghalaya Lokayukta Act. 2014.
Da ong ko wa hapoh kani ka aiñ ki wakreh sorkar na ki por cha ki por kamjooh 30 sngi nadooh wa sdang ki u kreh hap ki u khana yeiwa em ki nadooh ka spah ka phaw, ki thaw ki bhaw, ki yung ki sem kiwa mantre da ki, da ka kurim lane u kurim kamjooh ki khon ki kti.
Da hap leh wow leh yeini i jooh ha lane chwa ka 31 tarik u Naiynñiaw man-u-snem kawa tip kam ka Annual Return of Asset & Liabilities kawa toh u kheiñ nadooh ka 31 tarik u Wisu (Mar) yong utai u snem.
Neiliang ki heh ki chnat sorkar toh u booh ki yeini waroh ha jar jiar ka Website ki chnat sorkar chwa ka 31 tarik u Naisaphra yong utai u snem.
Kamtæ ka Angela da paan ko yeini waroh na u Chairperson ka Lokayukta.
