Ka yung kasari ynne ka sngi da pynmih hukum wei da e bor ko wow kset 8 sngi ha kti ki pulit ya u Kenedy Khongsit hajrong i chah pynyap u Kyrshanbor Kharmudai.
Katkam wa da yoh khubor na ki pulit, da paan bor ki wow kset 12 sngi ha Police Custody, tangwa ka kasari ym em e ko yei mynjur heiwa da chah wow kset 8 sngi yow takit ya oo.
Ya u Kenedy da kem da ki pulit ynnin ka sngi na yung wa sah u hadien wa chemdien ki wa pynyap u ya u Kyrshanbor Kharmudai uwa dang 7 i snem ka rta ha Lum Marboh, Nongrah iwa da jia ha ka 8 tarik u October 2025 heiwa da chem yei metyap ha ka 9 tarik na rood sarok ha Mawpat.
Neiliang ki pulit da paan bor ki wow booh boon sngi yow takit bniah yow chem chooh chooh ki sabut pyrchah ya u Kenedy wei wow lai yah biang oo cha ka thaw yow pynyoo u kammon leh u yeini i kaam.
Discussion about this post