Jowai : Ynne ka 7 tarik ki pulit ka Traffic Branch Jowai da yachem ki wa ki bor pyllai ya ka District West Jaiñtia Hills ha ka Conference Room yow yaklam hajrong wa kammon u pynman ya u sarok wa ki luti lai kjat ha i bynta ka Iawmusiang kiwa kylloid yow suk i lai i wan.
Ha kani ka yalang da emlang u DM Wahlang, ADM, u SC Laloo, Chief Executive Officer ka Jowai Municipal Board wa ki wa kreh ka DC ophis.
U ma D.H. Pde Traffic Incharge ka Jowai da paan u ya i ya krehlang na kiwa kreh ka DC yow ye u pyndooh pyndam ya kiwa chong dai rood sarok neibhah da em ki wa chah tyrrah manda lai lang na sarok wa ki bru wa ki kari, da khana u leh wa katkam i bor wada pyrchang ki hadooh katni da yoo hi wada rap kylloid ki luti syngkieñ tangwa ym pu ye ki u pyndooh ya kiwa dai rood sarok neibhah du wa pallat ki pulit da sdang biang ki u ya mih cha sarok.
Neiliang SC laloo, Chief Executive Officer ka Jowai Municipal hei klam yong oo da e khublei u ya ka tnat traffic wa da em i kylla kajak nei chimkhia yong ki, da pynsñiaw u wa neiliang yong oo leh chem chitom bha ki u yaleh wa kiwa dai rood sarok neibhah da jooh poi u pood wa chah dat mosær kiwa kreh municipal hadoh wa chah sumar.
Kamtæ da kyntu u ya waroh kiwa kreh ka DC ophis u ya kreh lang wa ki pulit deiwa leh yeiwa emkaam yow lait kiwa dai u chlur u tia cha rood sarok.
Discussion about this post