Paan maap u CEO ka Tura Municipal hapoh yung dorbar chna aiñ

Shillong: Ka yung dorbar ynnin ka sngi da maap wei da pyndam ko yei pynchitom ya u CEO ka Tura Municipal u Zenithsky J Sangma hadien wa da wan paan maap u hapoh ka yung dorbar pyrchah ya ka ujor wa da e u ya u MLA ka South Tura u John Leslee K Sangma.

U Zenithsky uwa da chah khut hajir u ha ka yung dorbar hadien wa da chem ka Privilege Committee wa da leh palat pood u wei wow pynhiar kyrdan u ya u MLA.

“Nga paan maap O na u MLA ka South Tura u John Leslee K Sangma wa na ki dkhot ka Privilege Committee”, da ong u Zenithsky hapoh ka yung dorbar.

Neiliang u James K. Sangma, MLA ka NPP, chwa kani, da pynsniaw u wa ym sniaw yahap yeini neibhah boon ki ophisar kiwa jooh pyn-eh ya ki MLA. Kamtæ u MLA da mih u cha lait chwa wow paan map u Zenithsky.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

U Zenithsky da hap ngooh u le sien, nyngkong cha ka chuki wa chong u Speaker, neitæ cha ka liang wa chong ki liang Synchaar wei khatdooh cha ka liang wa chong ki liang Pyrshah wei da hap u leh biang kamni kamjooh hadien ba dep panmap.

U Lamphang ka yung dorbar u AT Mondal uwa pyllai ya ka dorbar da ong u wa ka yung dorbar pynngat ko ya oo hadien wa tyngkheiñ u ya ka aiñ wei da pynhiar kyrdan u ya u MLA ka South Tura.

Neiliang u Montri Rangbah da pynsñiaw yei mynsien wa phylla heiwa man ko ka sien nyngkong wa jia kam ini nadooh wa man MLA u nadooh u snem 1993.

Da ong u wa ki sahep sorkar emkaam u sñiawthooh ki ya ka aiñ wei yooluti u wa ym jia de kam ini ha ki snem wow wan.

U Zenithsky da chah pynchitom u hadien wa da pynbaad u ya u MLA ka South Tura wa da pynchoi da pynchongchit u ya kiwa dai madan ha Tura heipor wa kynreh kot kynreh sla ko.