Paan maap u Health Minister ka Thailand hadien wa ong u toh u beh ya ki phareng ki wym sap Face Mask

U Public Health Minister ka Thailand u Anutin Charnvirakul da paan maap u hadien wa ong u wa toh u beh ya ki phareng ki wym bien u sap ya ki Face Mask wa da saam paidbah u pyn da oo hi.

U Minister da paan maap u haka Facebook Page u deiwa ong wa da chitkhlieh u hadien wa em ki phareng kiwa na Europe ym bien ki wow ya krehlang ha ini i yaleh ka sorkar wow pynchlur ya ki bru wow sap ya ki Face Mask yow yada nei poor u Cornonavirus.

“Ym tip i neiwon de ki ri da wan kini ki phareng chwa wow psiah ki cha Thailand iwa ye wow booh yei maa yaka ri,” da thoh u.

U Anutin da saam mynkna u ya ki Face Mask ynnin ka sngi ha i thaw psiah cha Siam Skytrain Station tangwa da sdang chrai u hadien wa ki phareng ym bien ki wow chim ya ki Face Mask deiwa ong wa ym bna ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“Ya kam kini ki bru toh u beh ki napoh Thailand,” da ong u ya kiwa thoh khubor deiwa kaweh lang ya ki Face Mask wa ksoh u ha kti.

Palat 10 million ngut ki nong China da wanke ki cha Thailand ynnin u snem wei da antad wa ha uni u snem daw duna ki kamwa 2 million neidaw u Coronavirus.

Ki kaam uiñke suwari da pynmih poisa ko kamwa 18% ka Gross Domestic Product ka Thailand wei ki nong China da man ki chipawa na waroh kiwa wan ke chapoh ka Thailand.

Ha Thailand da em 25 ngut wa yoh Coronavirus wei 9 ngut na ki da chait ki.