U Home Affairs Adviser ka ri Bangladesh, u Brigadier General (Retd) M. Sakhawat, ynne da ong u wa ka sorkar ym khang ko ya ka Awami League wa da yahkhmat da ka Sheikh Hasina, neibhah da em chiboon i chakri ko ya ka ri wei emkaam u chimbynta biang ko ha ki Election wow wan.
Ynnin u Sakhawat da paan maap u na ki Hindu neibhah wym ye ware u yada ya ki deiwa ong wa ki Muslim kiwa boon paaid toh u yada ki ya ki Hindu kiwa man ki khian paaid.
Da kular u leh wow yada ya ki khian paaid neini chaphrang.
Neiliang ki pulit ka Bangladesh kiwa pynman yakhih da rai ki wow sangeh noh i yakhih hadien wa yachem ki ya u Home Affairs Adviser, u Sakhawat ynnin ka sngi hadien wa da pdiang wow pynbiang ya ki 11 tylli ki mat wa dawa ki.
Hadien ka yalang da rai leh wow sdang biang yei kreh nadooh ynne.
U Sakhawat da pynbna u leh wa ym maap ya kiwa emkti wow e hukum wow pynemkaam palat yei bor ki pulit hadien wa dep pynman ya ka takit.
Discussion about this post