Paan maap u MLA wa thaap ya u Chowkidar ha Shillong

U MLA ka NPP na Rangsakona, u Subir Marak da chah klam beiñ u hadien wa poor iwi i Video wa thaap u ya uwi u bru ha Shillong iwa da jia ha ka 16 tarik uni u bnai.

Neiliang uni u MLA da ong u wa dadep u wow paan maap tangwa da phylla u wot hadien ini leh da em kiwa pynpoor ya ini i Video ha ki rynsan Social Media.

Ha ini i Video da yoo wa uni MLA da thaap u ya u Chowkidar ka MBOSE Guest House wa em ha Laitumkhrah neidaw wa slem u wow wai ya ka Gate heipor 2:00 waje i step synyaaw.

Katkam wa khana da u MLA, ha ka 16 tarik uni u bnai heipor 2:00 waje i step synyaaw dapoi u ha kani ka MBOSE Guest House heiwa da dep u wow booh kamra hei pyrtuid yong oo neibynta kiwa wan na Garo Hills kiwa da lai yachem waka Montri ka chnat puræ puthi kamjooh u Director ka DSEL ha ka 16 tarik hi.

Related posts

Chah ieh iwi i khonboo hapoh ka Cradle Point

November 23, 2024

Lai yachem ka JNC wa u Nujorki neibynta ki chnong wym yoh sarok, yoh bordiñ wei ki wym em tang ha ka Census leh

November 23, 2024

Da pyntip u wa hei janmiet ka 15 tarik wa dadep khut baam ja u ya ki ha yung wa sah u wei hadien da lai li booh u ki cha kani ka Guest House wei dapoi ki heipor 2:00 waje i step synyaaw ka 16 tarik heiwa da yang ki chiteiñ kynta yow em wa wan wai ya ka Gate.

Da khana u wa da pynkieh ya ka Horn kamjooh ka Siren leh tangwa ym em wa wan wai, kamtæ deiwa ngiah u yang la chiteiñ kynta, da phah ku ya u PSO yei kynroh kani ka Guest House yow lai kyrsu ya u Chowkidar tangwa heini da em i yamai heiwa ka kurim uni u Chowkidar da klam pynkhor ko.

Heini i por da khana u MLA wa da thaap u malu mala ya uni u Chowkidar wei hawa pyrkhat u hadien da ong u wa da bakla u wei ymtoh u leh u yeini kam uwa mihkhmat paidbah, heiwa da paan maap u leh na uni u Chowkidar.

Chooh chooh da ong u wa da leh u yeini heitu i por wa rap chit khlieh.

Da ong won u leh wa hanla dadep paan maap u leh, kini ki bru da pynpoor ki ya ini i Video i wym toh u leh ki neibhah da man ko pyrchah yei hok yong oo kam uwa mihkhmat paidbah.

Hawa kylli kammon paan maap u, da khana u wa da phah u ha u PSO wow lai paan maap neidaw wa hap lai jhan u cha Tura wa em kiwa emyatoh u wa chitom joor.

Hawa kylli lada muaid u ha katu ka sngi, da ong u wa muaid hi malu mala wei da kyntait u leh wa mang u da ka suloi ya uni u Chowkidar.