Jowai: Ka JSU Central Body hapoh i yahkhmat u General Secretary ka seiñ u Jersom Shylla da lai yachem ki ya u Manager ka Ialong Toll Gate Plaza wow yoh ya i pynche hajrong wow su ki paidbah, wei ynne ka sngi wa da wai ya kani ka Toll Gate iwa da booh yei lyngngoh ya ki paidbah ka thaaiñ neidaw wa ym tikna ya i dor wa toh u su ki.
Heiyatoh wa ini u Manager da e u yei pynche wa i dor wa hap su ki kari kamai (Tourist Cab) T. 40 hapoh 24 kynta neitæ won ya ki kari ki bru samen hap su ki T. 255 ya ki chnong wa em 20 Km waroh soodong ka Toll Gate haka chi bnai.
Ya ki kari kiwa kreh sorkar ym emkaam wow su hadien wa pynyoo ya ki kot ki sla wa biang.
Ya ki bru paidbah kiwa lai luti teiñ-teiñ lada lai ki deiwa ym uiñ biang hap su ki T. 25 wei lada uiñ biang hap su ki T. 40.
Ka seiñ da yaklam ko wa ki bor pynlai wa ki u sñiawbha ki wow pynlait ya ki kari wa wan cha ka Synod ka wow man ha ka 10 tarik ha Wapung khnang wow lait i sahkut ha ka tai ka sngi.
Ka seiñ da ong ko leh ym du ha kani sngi khamtam ha ki sngi wa pynman tamasa wa heh hapoh ri loom Jaiñtia nadooh ka Behdieñkhlam leh ka seiñ da kyrpaad ko wow leh ya i jooh khnang wow man ko i myntoi yong u paidbah.
Ini toh katkam ka khyrwoh wa da pyllait da u Publicity Secretary ka seiñ u T. Mukhim.
Discussion about this post