Jowai : Ka Khasi Jaiñtia National Union (KJNU), ynnin ka 16 tarik da li booh RTI ko ha ka office u District Transport Officer ka East Jaiñtia Hills District hei yatoh wa ka Umtyra Weigh Bridge hadien wa yoh ko boon ki ujor na ki paidbah wa kani ka Weigh Bridge chim bai thaw khia ko palat ya iwa booh ka sorkar.
Ka seiñ da ong ko leh wa da boon dooh nong kiwa kit mar kiwa lai na kani ka Weigh Bridge neidaw kiwa pyllai ya kani ka thaw da chim kabu ki ya ki paidbah deiwa chim palat pood ya i dor wa da booh ka sorkar.
Ha ka RTI wa da booh da paan ya i bai thaw khia ha kani ka thaw wei hadien wa dep yoh jubab daw pynbna paidbah wei lada chem wa kani ka Weigh Bridge chim ko palat ya i dor wa booh da ka sorkar daw ujor ka seiñ da ka Public Interest Litigation (PIL) pyrchah ya kani ka Weigh Bridge.
Hei jooh i por leh ka seiñ KJNU da kyntu ko ya kiwa pyllai ya kani ka Weigh Bridge wa ym toh ki u chim kabu ki ya paidbah wei lada chem ya ini chwa wow yoh jubab RTI ym maap de ko ya ki.
Discussion about this post