Paan ticket u Andrew Shullai na ka Congress wow yakhun ha ka Election MLA 2018

Jowai: U Andrew Shullai uwa man katni kam u MDC ka Jowai Central heijooh i por leh kam u Deputy CEM ka JHADC ynne ka sngi da pyntikna u wa da dep chim form u wow paan ticket neibynta ka Election MLA 2018 na ka Congress.

Hei yaklam wa oo da pyntip u wa dang chim u du ya ka Form donhi tangwa ympu em rai u wow yaleh namo ym yaleh ha kani ka Election MLA 2018.

Kam wow pynkynmoo heini wa u Andrew da pyrchah u leh yeiwa leh u Sniawbhalang Dhar heiwa da paan ticket u na ka Congress neibynta ka Election MLA 2018 ya u boo yong oo u Wailadmiki Shylla wow yakun Election na 2-Jowai Cosntituency.

Hei yatoh wa ini ympu yoh iwon iwon leh i pynche na ki heh ka Jowai Block Congress Committee (JBCC) namo kiwa bood ya u Dr. RC. Laloo uwa man leh kam u MLA heijooh i por u Symbood Montri-rangbah ka jylla.